2025 ലെ ജെഇഇ മെയിൻ ആദ്യ സെഷൻ പരീക്ഷ ജനുവരി 22 മുതൽ ആരംഭിക്കുകയാണ്. അതിന് മുന്നോടിയായി എക്സാംസിറ്റിയും പരീക്ഷാതീയതിയും ഔദ്യോഗിക വെബ്സൈറ്റിൽ പബ്ലിഷ് ചെയ്തിരിക്കുകയാണ്.
JEE Main 2025 online exam ആദ്യസെഷൻ ജനുവരി 22 മുതൽ 31 വരെയാണ് നടക്കുന്നത്. അതിന്റെ ഭാഗമായി ഓരോ കുട്ടിയുടേയും എക്സാംസിറ്റിയും പരീക്ഷാതീയതിയും jeemain.nta.nic.in എന്ന വെബ്സൈറ്റിൽ പ്രസിദ്ധീകരിച്ചു. പരീക്ഷാതീയതിയ്ക്ക് കൃത്യം മൂന്നുദിവസം മുമ്പുമാത്രമേ അഡ്മിറ്റ്കാർഡുകൾ website ൽ പ്രസിദ്ധപ്പെടുത്തൂ. അപ്പോൾമാത്രമാണ്, ഏതു ഓൺലൈൻ എക്സാം സെന്ററിലാണ് പരീക്ഷ എന്നും, ഏതു ഷിഫ്റ്റിലാണ് എക്സാം എന്നും അറിയുവാൻ കഴിയൂ. ആദ്യഷിഫ്റ്റ് രാവിലെ 9 മുതൽ 12 വരെയും, രണ്ടാമത്തെ ഷിഫ്റ്റ് 3 മുതൽ 6 വരെയുമാണ്. B.ARCH നും, B. PLANNING നും അപേക്ഷിച്ചവർക്ക് ജനുവരി 30 ന് ഉച്ചകഴിഞ്ഞുള്ള ഷിഫ്റ്റിലായിരിക്കും പരീക്ഷ നടക്കുക. 2025 ൽ, അതായത് ഈ വർഷം പ്ലസ്ടു ബോർഡ് എക്സാം എഴുതുന്ന വിദ്യാർത്ഥികൾക്ക് ഇന്നേ ദിവസം പ്ലസ്ടു പ്രാക്ടിക്കൽ പരീക്ഷ സ്കൂളിൽ നിശ്ചയിച്ചിട്ടുണ്ടെങ്കിൽ, അതാത് സ്കൂൾ പ്രിൻസിപ്പാളുമാരുമായി ബന്ധപ്പെട്ട് പ്രാക്ടിക്കൽ എക്സാം മറ്റൊരു ദിവസത്തേക്ക് മാറ്റിവയ്ക്കുവാൻ അപേക്ഷ കൊടുക്കണം. Paper 1 ന്റെ percentile score ഫെബ്രുവരി 12 ന് പ്രസിദ്ധപ്പെടുത്തും. ഏപ്രിൽ 1 മുതൽ തുടങ്ങുന്ന രണ്ടാം സെഷനുള്ള ഓൺലൈൻ അപേക്ഷ ജനുവരി 31 മുതൽ ഫെബ്രുവരി 24 വരെ. രണ്ടു പരീക്ഷകളുടേയും ഉയർന്ന percentile score അനുസരിച്ച് jeemain 2025 all india rank ഏപ്രിൽ 17 ന് പ്രസിദ്ധീകരിക്കും. മെയ് 18 ന് നടക്കുന്ന jee advacned exam ന്റെ online application jeeadv.ac.in എന്ന വെബ്സൈറ്റിൽ ഏപ്രിൽ 23 ന് ആരംഭിക്കും.
English Summary: The first session of JEE Main 2025 online exams will be conducted from January 22 to 31, with exam city and date details published on the official website jeemain.nta.nic.in. Admit cards will be available three days before the exam, and the percentile score for Paper 1 will be released on February 12. The All India Rank will be published on April 17.
